Багануур Үйлдвэрлэл Технологийн Парк

Нийслэлийн Үйлдвэрлэл инновацийн газар, Үйлдвэрлэл технологийн паркуудын хамтын ажиллагааг өргөжүүлэх, ажлын туршлага, санал солилцох ажлын хүрээнд 2018 оны 11 сарын 22-ны өдөр Багануурын үйлдвэрлэл, технологийн паркт зохион байгууллаа.
Тус хэлэлцүүлэгт Эмээлтийн хөнгөн үйлдвэрийн Үйлдвэрлэл, технологийн парк, Налайхын барилгын материалын үйлдвэрлэл, технологийн парк, Багануурын үйлдвэрлэл, технологийн паркуудын холбогдох албан хаагчдыг хамрууллаа. Хэлэлцүүлгээр парк тус бүр өнөөгийн байдал, тулгамдаж буй асуудлаар хэлэлцэж, паркуудын үйл ажиллагаатай танилцан, Үйлдвэрлэл, инновацийн газраас концесс болон төслийн менежмент чиглэлээр ерөнхий мэдээлэл өгч ажиллаа. Мөн үйлдвэрлэл, технологийн паркт нэгжээр элссэн үйлдвэрүүдийн үйл ажиллагаатай танилцсан.
Цаашид үйлдвэрлэл, технологийн паркийн үйл ажиллагааг удирдан зохион байгуулах, паркуудын уялдаа холбоог сайжруулах, харилцан туршлага солилцох чиглэлээр уулзалт, хэлэлцүүлгийг зохион байгуулж байхаар болов.

Багануур Үйлдвэрлэл Технологийн Парк ОНӨТҮГ, Монголын Оюуны Өмчийн Газартай хамтран 2018 оны 11 дүгээр сарын 21-д Оюуны өмчийн талаарх сургалт зохион байгууллаa.

Тус сургалтанд “Багануур” ХК, “Цахилгаан механикийн үйлдвэр”, “Мэдээлэл холбооны сүлжээ” ТӨХК, “Цахилгаан дамжуулах сүлжээ” ТӨХК, “Цахилгаан түгээх сүлжээ” ТӨХК-ны Багануур зүүн өмнөд бүсийн салбар, “Багануур тохижилт” ОНӨААТҮГ, “Мон-цахим” ХХК, “Багануур сувилал”ХХК, Багануур Дүүргийн Татварын Хэлтэс, Багануур дулааны станц, Багануур дүүргийн шүүх, “Багануур пауэр” ХХК-ны ажилтан албан хаагчид болон “Боловсрол”, “Гүн галуутай”, “Оюуны эрин” зэрэг цогцолбор сургуулийн багш, сурагчдаас бүрдсэн нийт 100 гаруй хүн хамрагдсан. Сургалттай холбогдох материалуудыг ОӨГазрын мэргэжилтэн түгээв.

Сургалтанд оролцогчид, суралцагчдаас олон асуулт, үнэтэй санал, санаачлага гарч тайлбар, мэдээлэл авах, харилцан ярилцах журмаар зохион байгууллаа.

Сургалт хэлэлцүүлгийн явцад дараах дүгнэлт саналууд гарлаа. Үүнд:

  1. Сургалт маш оновчтой, ойлгомжтой үр дүнтэй болж хүмүүс идэвхитэй оролцов.
  2. Ажилтнуудаа олноор хамруулж чадаагүй байгууллагууд дараа оюуны өмчийн сургалт авах хүсэлтэй байгаагаа илэрхийлэв.
  3. Оюуны өмчийн газар зүйн заалт-зүйлийг хэрэгжүүлэхэд орон нутгийн захиргаа цаашид анхааралдаа авах шаардлагатай байна. Одоогоор “Багануурын нүүрс” гэхээс өөр брэнд алга.
  4. Оюуны өмчийн талаарх сургалтыг ерөнхий боловсролын сургуулийн программд огт тусгадаггүй юм байна. Иймд Оюуны Өмчийн Газар дээрх сургалтыг ерөнхий боловсролын сургуулийн программд тусгах асуудлыг Боловсрол, Соёл, Шинжлэх Ухааны Яаманд албан ёсоор тавьж суралцагчдын бүтээлч сэтгэлгээг хөгжүүлэх, шинэ санааг төрүүлэх, түүнийхээ эрхийг хамгаалуулах, хэрэгжүүлэх суурь мэдлэгтэй болгох арга хэмжээг одооноос эхлэн авах хэрэгтэй байна.
  5. Тус дүүрэгт одоогоор оюуны өмчийн итгэмжлэгдсэн төлөөлөгч байхгүй байна. Үүнд байгууллага, аж ахуйн нэгж, хувь хүмүүс санаачлагатай хандах хэрэгтэй болжээ.
  6. БҮТП-ийн Газрын  дарга Ч.Элбэгсайхан өөрийн нэг ажилтныг оюуны өмчийн талаар мэргэшүүлэх хүсэлт тавив.

Сургалтыг чанартай зохион байгуулах, аж ахуйн нэгж байгууллага, иргэдэд зар түгээж урилга хүргүүлэх, олныг хамруулах талаар Оюуны Өмчийн Газар, тус Парк хамтран олон арга хэмжээ авсан байна.

 

 

 

Багануур Үйлдвэрлэл Технологийн Парк ОНӨТҮГ, Монголын Оюуны Өмчийн Газартай хамтран 2018 оны 11 дүгээр сарын 21-д зохион байгуулах Оюуны өмчийн талаарх сургалтанд өргөнөөр оролцoхыг урьж байна.

Сургалтыг Монголын Оюуны Өмчийн Газрын Захиргаа удирдлагын хэлтсийн дарга С.Ганзоригоор ахлуулсан мэргэжилтэнүүд явуулна.

Сургалт ЗДТГ-ын 219 тоотод 09:00 цагт болно 

“Бид нэг агаартай” дэвшилтэт техник, технологийн үзэсгэлэнд Нийслэлийн үйлдвэрлэл, инновацийн газартай хамтран Багануур Үйлдвэрлэл технологийн паркийн хамт олон оролцож Нийслэл хотод тулгамдаж буй асуудал болох утааг үйлдвэр технологийн парк байгуулагдсанаар хэрхэн бууруулах боломжтой талаар иргэд, аж ахуйн нэгж байгууллагуудад 2018 оны 10-р сарын 11-12 өдрүүдэд танилцууллаа. Сүхбаатарын талбайд болж өнгөрсөн уг үзэсгэлэнд Улаанбаатар хотод тулгамдаж байгаа утааны асуудлыг хэрхэн шийдвэрлэж болох дэвшилтэт техник, технологийг аж ахуйн нэгж байгууллагууд танилцуулж, утааг бууруулахад иргэн, айл өрх бүрийн оролцоо, идэвх санаачлага чухал болохыг тайлбарлан танилцуулсан арга хэмжээ болсон.

Зорилго: Дотоод, гадаадын хөрөнгө оруулагч нар, бизнес эрхлэгчдэд байгууллагын талаарх мэдээлэл хүргэх

2018 оны 10 дугаар сарын 9-12-ны өдрүүдэд Мишээл төвд зохион байгуулагдсан Экспо Монголиа Олон улсын үзэсгэлэн, бага хуралд амжилттай оролцлоо.

Монгол Улс дахь Их Британийн Элчин сайдын Яам, Герман-Монголын бизнес зөвлөл, АНУ-ын Худалдаа Аж үйлдвэрийн танхим гэх мэт 20 гаруй байгууллага, бизнес эрхлэгчид, иргэдийн төлөөлөлтэй уулзаж харилцан мэдээлэл солилцсон бөгөөд цаашдын хамтын ажиллагааг хөгжүүлэх эхлэл тавигдсан болно.

“Багануур үйлдвэрлэл технологийн паркад биотехнологийг хөгжүүлэх нь” сэдэвт ажлын хүрээнд дүүргийн 5 хорооны иргэдийг хамруулан  ахуйн хог хаягдлаар компост бордоо хийх үзүүлэх сургалт явуулав.

2018.04.14нд "Багануур Үйлдвэрлэл, Технологийн Паркад Биотехнологийг хөгжүүлэх нь" сэдэвт II уулзалт зөвлөгөөнд хүрэлцэн ирэхийг урьж байна.
 
 
Хэзээ: 2018.04.14нд 11:00 цагт
Хаана: ЗДТГ-ын хурлын заал 219 тоотод
Зохион байгуулагч: БҮТПарк
Монхимо ХХК

Байгаль орчинд ээлтэй үйлдвэрлэл эрхэлж байгаа өрхийн болон жижиг дунд үйлдвэрлэгч нар www.baganuur-itp.mn сайтаар орж бүртгүүлнэ үү?

2018 оны 4 сарын сүүлээр бүртгүүлсэн ААН, иргэдтэй Багануур Үйлдвэрлэл, Технологийн Парк ОНӨТҮГ-аас уулзалт зохион байгуулна.

Зорилго нь: Өрхийн үйлдвэрлэл, жижиг дунд үйлдвэрлэлийг дэмжих зорилгоор хамтран ажиллах

МҮХАҮТ шинэ гишүүдээр хүрээгээ тэлэн 50 гаруй аж ахуйн нэгжид гишүүний гэрчилгээг нь гардуулан өглөө. Тус арга хэмжээнд МҮХАҮТ-ын Удирдах зөвлөлийн дарга бөгөөд ерөнхийлөгч Б.Лхагважав, Танхимын дарга М.Оюунчимэг, Орлогч дарга М.Сарандаваа  нар оролцож, Танхимын үйл ажиллагааны бодлого чиглэлийн талаар танилцуулан, бизнесийн ажилд нь амжилт хүслээ. Энэ үеэр Танхимын дэргэдэх Арбитрын үйл ажиллагаа болон сошиал медиаг хэрхэн өөрийн бизнестэй холбох талаар зөвлөгөө мэдээлэл өгөв.  Шинэ гишүүдийн төлөөлөл болгон “Нью констракшн” ХХК-ийн гүйцэтгэх захирал н.Доржпалам хэлэхдээ  ”Манайх Танхимын “Классик” ангилалын гишүүнээр элсээд батламжаа авч байна. Энэ өдөр хамтдаа Танхимын гишүүнээр элсэж буй аж ахуйн нэгжүүддээ амжилт хүсч, өргөн дэлгэр хамтын ажиллагааг ерөөе” хэмээлээ.

Facebook Messenger