Багануур Үйлдвэрлэл, технологийн парк ХК нь байгальд ээлтэй, өндөр технологи бүхий аж үйлдвэрийн цогцолбор байгуулж, импортыг орлох, экспортын чиг баримжаатай бүтээгдэхүүний үйлдвэрлэлийг хөгжүүлэх, ажлын байруудыг шинээр нэмэгдүүлэн, нийслэлийн хүн амын болон үйлдвэржилтийн хэт төвлөрлийг бууруулахад тодорхой нөлөөллийг бий болгож, бүс нутгийн нийгэм, эдийн засгийн хөгжлийг шинэ шатанд дэвшүүлэх зэрэг үндсэн зорилгын хүрээнд үйл ажиллагаагаа эрхэлж байна.

               Өнгөрсөн хугацаанд хууль эрх зүйн орчныг шинэчлэн бүрдүүлж, улс нийслэлийн хөгжлийн бодлого хөтөлбөрт тусгуулан, Хэсэгчилсэн ерөнхий төлөвлөгөө, гадна инженерийн шугам сүлжээ, зураг төслийг батлуулж, дэд бүтцийн бүтээн байгуулалтын ажлыг эхлүүлэн парк байгуулах бэлтгэл ажлыг бүрэн ханган ажиллаж байна.

                Манай компани нь паркийн эзэмшлийн 614 га газарт хуулийн шаардлага хангасан гадаад дотоодын хөрөнгө оруулагчид, үйлдвэрүүд болон шинэ техник технологи, инновацынхыг нэвтрүүлэх бүх боломж нөхцөлөөр хамтран ажиллах бүрэн боломжтой тухай мэдэгдэхэд таатай байна.

                 Улс, нийслэл болон орон нутгийнхаа хөгжил дэвшилд үйлдвэрлэлийн бүсүүдийг цогцлоох томоохон үйлсэд баг хамт олноо манлайлан тууштай зүтгэх болно.

ХҮНДЭТГЭСЭН:

ГҮЙЦЭТГЭХ ЗАХИРАЛ                                       Б.БЯМБАЦЭЦЭГ