Багануур ҮТП ХК-д хүнд үйлдвэрийн бүсэд нэгжээр орох хүсэлтэй байгаагаа илэрхийллээ
2025-05-19
НИТХ-ын төлөөлөгч, Багануур дүүргийн Засаг дарга С.Даваасүрэн, Багануур Үйлдвэрлэл, технологийн парк ХК-ийн Гүйцэтгэх Захирал Б.Бямбацэцэг болон холбогдох албан тушаалтнуудтай "Окси мед" ХХК-ийн төлөөллүүд уулзалт хийж, санал солилцлоо.
"Окси мед" ХХК нь нүүрс боловсруулах чиглэлээр Үйлдвэрлэл технологийн паркад нэгжээр орох хүсэлтэй байгаагаа илэрхийлсэн бөгөөд нэгж болсноор тухайн компанийн зүгээс 5000 хүнийг ажлын байраар хангах боломжтойг хэллээ.
Багануур Үйлдвэрлэл, технологийн парк ХК-ийн зүгээс хүнд үйлдвэрлэлийн чиглэлээр нэгжээр ороход тавигдах шаардлага болон хуулийн дагуу эдлэх хөнгөлөлт, чөлөөлөлтийн талаарх мэдээллийг өгсөн юм.
Харин НИТХ-ын төлөөлөгч, Багануур дүүргийн Засаг дарга С.Даваасүрэн:
Дараагийн уулзалтаар паркад нэгжээр ороход тавигдах шаардлагын дагуу материал бүрдүүлэлтийг хийх,
Төлөвлөлтийг тодорхой болгож төслөө танилцуулах,
Эрчим хүч, цахилгаан хэрэглээг тооцож тодорхой мэдээллийг хүргэж ажиллахыг хэллээ.
