НИТХ-ын тогтоолоор “Багануур үйлдвэрлэл, технологийн парк” ХК-ийн хараат бус гурван гишүүн томилогдсоноор төлөөлөн удирдах зөвлөлийн бүрэн бүрэлдэхүүн бүрдсэн.

Өчигдөр буюу 03 сарын 26-ны өдөр ТУЗ-ийн дөрөвдүгээр хуралдаан зохион байгуулагдсан бөгөөд уг хуралдаанаар компанийн бүтэц, орон тоо, албан хаагчдын болон ТУЗ-ийн гишүүдийн цалингийн сүлжээ, төсвийн хуваарийг баталж, компанийн хөрөнгө оруулалтын төлөвлөгөө, тоног төхөөрөмжийн шинэчлэл зэрэг тулгамдаж буй томоохон асуудлуудыг шийдвэрлэлээ.

Хуралдааны төгсгөлд ТУЗ-ийн даргын зүгээс компаниа анхнаасаа зөв менежментээр удирдан зардал багатай, ашиг өндөр, албан хаагчдын нийгмийн баталгаа, сургалт, хөдөлмөрийн аюулгүй байдлыг ханган тав тухтай ажиллах орчныг бүрдүүлэх, удирдлагуудыг үнэн зөв мэдээллээр хангах, жижиг том гэж ялгахгүй бүх асуудлыг танилцуулан ажиллахыг компанийн Гүйцэтгэх захиралд үүрэг болгож ажлын амжилт хүслээ.