УЛААНБААТАР ХОТЫГ 2040 ОН ХҮРТЭЛХ ХӨГЖЛИЙН ЕРӨНХИЙ ТӨЛӨВЛӨГӨӨГ ТАНИЛЦУУЛАХ УУЛЗАЛТ БАГАНУУРААС ЭХЭЛЛЭЭ

• Монгол Улсын Засгийн газраас Улаанбаатар хотыг 2040 он хүртэл хөгжүүлэхдээ олон төвт хот болгохоор төлөвлөсөн.  Анх 1954 онд ерөнхий төлөвлөгөөгөө батлуулж байсан Улаанбаатар нийслэлийг үүнээс хойш 6 удаа төлөвлөсөн байдаг.
• Улаанбаатар хотын 2040 он хүртэлх хөгжлийн ерөнхий төлөвлөгөө нь иргэн амьдрахад таатай, байгаль орчинд ээлтэй, “20 минутын хот” үзэл баримтлалыг хэрэгжүүлэхэд түлхүү чиглэгдсэн.
• Хөгжлийн ерөнхий төлөвлөгөөг иргэд олон нийтэд танилцуулах уулзалт өнөөдрөөс эхэллээ.
• Нийслэлийн Засаг дарга бөгөөд Улаанбаатар хотын Захирагчийн Шинжлэх ухаан, технологи, инновацын асуудал хариуцсан зөвлөх Г.Батсайхан, Нийслэлийн Засаг даргын нийгмийн салбар, ногоон хөгжил болон агаар, орчны бохирдлын асуудал хариуцсан орлогч А.Амартүвшин, Нийслэлийн ерөнхий Архитектор Ч.Төгсдэлгэр, НИТХ-ын Төлөөлөгч, Багануур  дүүргийн Засаг дарга С.Даваасүрэн,  НИТХ-ын Төлөөлөгч, Зөвлөлийн гишүүн Т.Отгонболд нар Улаанбаатар хотын 2024 он хүртэлх хөгжлийн ерөнхий төлөвлөгөөг иргэд, олон нийтэд танилцууллаа.