Үйлдвэрлэл, технологийн паркийн эрх зүйн байдлын тухай хууль Монгол Улсын Их Хурлаар 2022 оны 07 сарын 05-ны өдөр батлагдаж, 2022 оны 08 сарын 01-ний өдрөөс мөрдөгдөж эхэлсэн.

Харин Монгол Улсын Засгийн газраас, Монгол Улсын урт, дунд хугацааны хөгжлийн баримт бичгүүдэд тусгагдсан “Үйлдвэрлэл, технологийн паркуудыг байгуулах, хөгжүүлэх”, “Эрдэс баялгийг нэмүү өртөг шингээж, эцсийн бүтээгдэхүүн үйлдвэрлэх” зорилтыг хэрэгжүүлэх хүрээнд, хүнд үйлдвэрийн салбарт тэргүүний техник технологи, инновацыг нэвтрүүлэх нутагшуулах, дотооддоо нэмүү өртөг шингэсэн үйлдвэрлэлийг цогцолбор хэлбэрээр дэмжин хөгжүүлэх бодлого баримталж байна.

Үйлдвэрлэл, технологийн паркийг амжилттай байгуулах нь Засгийн газраас хэрэгжүүлж байгаа шинэ сэргэлтийн бодлогын аж үйлдвэржилтийн сэргэлтийг хэрэгжүүлэх, нийслэл хотын хүн амын болон аж үйлдвэрийн хэт төвлөрлийг сааруулахад онцгой үүрэгтэй юм.