​Нийслэлийн Засаг дарга бөгөөд Улаанбаатар хотын захирагчийн 2024-2028 оны үйл ажиллагааны хөтөлбөрийг хэрэгжүүлэх арга хэмжээний төлөвлөгөө боловсруулах хоёр өдрийн сургалтад БҮТП ХК-ийн албан хаагчид оролцсон юм.

Үйл ажиллагааны хөтөлбөрийн үндсэн 5 бодлогод нийцүүлэн хотын хөгжлийн индексийг төлөвлөгөөнд тусган боловсруулах арга зүйн мэдлэгийг олгосон бөгөөд нэг арга хэмжээг хэрэгжүүлэхэд холбогдох байгууллагуудын оролцоо, уялдаа холбоог хангах зарчмаар хамтран боловсруулж, хамтран бүрэн хэрэгжүүлэх боломжийг бүрдүүлсэн бүлгийн ажиллагааг амжилттай зохион байгуулсан өндөр ач холбогдолтой сургалт боллоо.

БҮТП ХК нь хөтөлбөрийн “Эдийн засгийн бодлого – Үйлдвэрлэл, инновац” 3 дугаар бүлгийн хүрээнд паркийн тусгай зөвшөөрөл болон дэд бүтцийн бүтээн байгуулалтын 11 арга хэмжээг тусган боловсруулж саналаа өгсөн бөгөөд Бизнес, инновацын газар, НҮТП ХК, ЭЭАҮП ХК болон БХҮТП ХК хамтран бусад бүлгийн хэлэлцүүлэгт багаараа саналаа өгч хамтран ажиллалаа.