“БАГАНУУР ҮЙЛДВЭРЛЭЛ, ТЕХНОЛОГИЙН ПАРК” ОНӨТҮГ-ЫН ДАРГА

Ч.ЭЛБЭГСАЙХАНЫ ГАДААД ТОМИЛОЛТЫН ТАЙЛАН

1. Томилолтын нэр: “Монгол-Хятадын Экспо-2”
2. БНХАУ-ын Бээжин хотноо Монголын Эдийн засгийн хамтын ажиллагаа нийгэмлэг, БНХАУ-ын “Аж үйлдвэрийн холбоо” нийгэмлэг болон БНХАУ дахь Монгол Улсын ЭСЯ хамтран “Нэг бүс ба нэг зам төслийн Монгол дахь боломж” сэдэвт хөрөнгө оруулагчдын форумыг 2018 оны 03 дугаар сарын 18-21-ний өдрүүдэд зохион байгуулсан.
3. Уг форумд оролцож Багануур үйлдвэрлэл, технологийн паркийн танилцуулга хийж, “Нэг бүс ба зам” төслийн хүрээнд хөрөнгө оруулагч түншүүдтэй холбоо тогтоож, Хүнд үйлдвэрлэлийн болон биотехнологийн салбарт хамтран ажиллах мөн Бээжин хотын эдийн засаг технологийн парктай танилцаж туршлага судлах зорилготой ажилласан.

4. Томилолтын хэрэгжилт

2018 оны 03 дугаар сарын 20-ны өдөр “Нэг бүс ба зам төслийн Монгол дахь боломж” сэдэвт хөрөнгө оруулагчдын форумын үндсэн хуралд БҮТП ОНӨТҮГ-ын ерөнхий танилцуулга болон хөрөнгө оруулах боломжийн талаар илтгэл тавьж хэлэлцүүлсэн.

Нүүрс гүн боловсруулах төсөлд хөрөнгө оруулах сонирхолттой Хятад улсын компанитай уулзалт хийсэн.

2018 оны 03 дугаар сарын 21-ний өдөр Бээжин хотын Эдийн засгийн ба технологийн парктай танилцах, туршлага судлах үйл ажиллагаанд оролцсон.

5. Үр дүн

БНХАУ-ын талаас ХОФ-д оролцсон 100 гаруй төрийн болон хувийн хэвшлийн компаниудад БҮТП-ийн талаар тодорхой танилцуулга, ойлголт өгснөөр өндөр технологи бүхий хамтын ажиллагааны төслүүд татах суурь тавигдсан гэж үзэж байна.

Бээжин хотын ЭЗТ-ийн паркийн үйл ажиллагаатай танилцсанаар өнөөдөр манай паркад тулгамдаж байгаа зарим нэг асуудалд туршлага болохоор үнэтэй санаа, зөвлөмжүүдийг авсан. Мөн тус парктай цаашид хамтран ажиллах эхлэлийг тавилаа.

“Нэг бүс ба зам төслийн Монгол дахь боломж” Хөрөнгө оруулагчдын форум

Бээжин хот, БНХАУ