Дэлхийн 180 гаруй улс жил бүрийн 11 дүгээр сарын 25-наас 12 дугаар сарын 10-ны өдрүүдэд "Жендэрт суурилсан хүчирхийлэлтэй тэмцэх 16 хоногийн аян"-ыг нэгдмэл зорилго нэг уриан дор тэмдэглэн өнгөрүүлдэг. Энэхүү аяны зорилго нь хөвгүүд, эрчүүдийн оролцоог хангах замаар охид, эмэгтэйчүүдийн эсрэг үйлдэгдэж буй аливаа хүчирхийллийн эсрэг хөдөлгөөнд нэгдэж, хэзээ ч "Хүчирхийлэл үйлдэхгүй, хүчирхийллийн хажуугаар чимээгүй өнгөрөхгүй" хэмээн илэрхийлдэг.

Энэ жил "Ойлгоё хүндэлье- Гэр бүлийнхээ төлөө" уриан дор аянд нэгдэж хүчирхийллийг таслан зогсоох, түүнээс урьдчилан сэргийлэхэд дэмжин ажиллахыг уриалж Багануур дүүргийн Гэр бүл, хүүхэд, залуучуудын хөгжлийн хэлтсээс ирүүлсэн Хамтран ажиллах тухай 264 дугаартай албан бичгийн дагуу 2019.12.02-ны өдрийн 10:00 цагт зохион байгуулсан "Жендэрт суурилсан хүчирхийлэлтэй тэмцэх 16 хоногийн аян" сургалтад холбогдох мэргэжилтнийг хамруулан Багануур үйлдвэрлэл, технологийн парк ОНӨТҮГ-ын хамт олон тус аянд нэгдэж байна.