2020 оны 01 дугаар сарын 16-ны өдөр Багануур үйлдвэрлэл, технологийн парк ОНӨТҮГ Шинжлэх Ухаан Үйлдвэрлэлийн ”Монхимо“ ХХК-тай Нэгжийн удирдлагын гэрээг байгуулав. Паркийн үндсэн нэгж байгууллага Монхимо ХХК нь 20 гаруй жилийн туршилт судалгааны ажлын үр  дүнд  “Адуу” брэндийн цуврал бүтээгдэхүүн зах зээлд гарснаар хүн амын дунд ихсэж буй  “Яс сийрэгжилт” өвчнөөс урьдчилан сэргийлэхэд эрэлт хэрэгцээтэй, гаж нөлөө багатай, био органик бүтээгдэхүүнийг бий болгосноор, “Эрүүл Монгол хүн” хөтөлбөр хэрэгжүүлэхэд хувь нэмрээ оруулж байна.

Үйлдвэрлэлийн мэдээлэл товч мэдээлэл 

1.  Малын гаралтай биологийн идэвхт бүтээгдэхүүний үйлдвэрлэл  10 нэр төрлийн  59мян.350фл бүтээгдэхүүн 
2.  Ариутгалын бодис, эмийн үйлдвэр 31 нэр төрлийн 959мян.фл бүтээгдэхүүн үйлдвэрлэж, зах зээлд  гарган ажилласан.

Ажиллах хүчин:  2019 оны  11-р сард  64  инженер,  технологич, эрдэм шинжилгээний  ажилтан, туслах ажилчинтай

Борлуулалтын орлого, татвар төлөлт: Төслийн төлөвлөгдсөн хүчин чадлын дагуу 2019 оны 11-р сарын байдлаар 2 тэрбум 307 сая төгрөгийн борлуулалт хийгдэж, НӨАТ-ын татвар 153,7 сая.төг, ААНОАТ 8,5 сая төгрөгийг төвлөрүүлсэн.

Экспортын мэдээлэл:    БНСУ-ын зах зээлд 2014 оноос кальцийн гидроксиапатит  нунтаг бэлдмэл 3тн, 50кг хэмжээгээр  экспортолж, Монхимо компанийн  болон “Адуу”  брэндийн логотой худалдаанд гарсан. Бүтээгдэхүүний чанар, стандартын хувьд БНСУ-ын Хүнс эмийн хяналтын агентлаг болон хил гаалийн шалгалтаар тухайн орны стандартын шаардлагыг бүрэн хангасан болно. Сүүлийн 2 жилийн хугацаанд ОХУ-ын аптекийн худалдаагаар зах зээлд зарах зөвшөөрөл,  гэрчилгээ 2018 оны 12 дугаар сард гарсан бөгөөд уг зөвшөөрлөөр ОХУ, Киргиз, Казахстан, Армян, Беларусь 5 оронд  экспортлох, зах зээлд гаргах эрх үүссэн байгаа

.