ПАРКИЙН АЧ ХОЛБОГДОЛ
2024-01-06
“Багануур Үйлдвэрлэл Технологийн Парк” төсөл хэрэгжсэнээр импортыг орлох экспортын бүтээгдэхүүн үйлдвэрлэлийг хөгжүүлж олон улсын зах зээлд өрсөлдөх, шинээр бий болох ажлын байрны тоог нэмэгдүүлэх замаар бүс нутгийн хөгжилд ахиц дэвшил гарах, Монгол улсын эдийн засаг, нийгмийн амьдралд томоохон өөрчлөлт гарч, олон эерэг нөлөөг авчирна.
Паркийн ТЭЗҮ-д төлөвлөгдсөн үйлдвэрүүдийг барьж байгуулах нь:
- Шинэ дэвшилтэт технологи бүхий байгаль орчинд халгүй аж үйлдвэрийн төрөлжилт,
- Эдийн засгийн хувьд чөлөөт бүсийг бий болгох;
- Экспортын баримжаатай, импортыг орлох эцсийн бүтээгдэхүүн үйлдвэрлэхэд дэмжлэг үзүүлэх замаар хүн амын эрэлт, хэрэгцээг хангах;
- Импортын шингэн түлшнээс хараат байдлыг бууруулах замаар улс орны эдийн засгийн хөгжилд хувь нэмэр оруулах;хүн амын амьжиргааны түвшинд шууд нөлөөлөх;
- Жижиг, дунд үйлдвэр болон өрхийн үйлдвэрлэлийг түүхий эд, бараа материалаар хангах замаар хөгжүүлэх боломж бүрдэх;
- Хүн амын нийгэм-соёлын хөгжилд эерэг хувь нэмэр оруулах;
- Нийт 3140 ажлын байр шинээр, дагалдах 1000 орчим ажлын байр бий болох;
- Суурьшлын шинэ бүс байгуулах замаар Улаанбаатар хотын хүн амын төвлөрлийг бууруулах зэрэг ач холбогдолтой
