“Налайх үйлдвэрлэл, технологийн парк” ХК нь 2014 оноос хойш үйл ажиллагаагаа явуулж байгаа ба нийт 360 га талбайд үйл ажиллагаа явуулж байна. Энэ хугацаанд 180 гаруй төсөл хүлээн авсан бөгөөд үүнээс 15 аж ахуйн нэгж бүтээн байгуулалтаа эхлүүлээд байгаа ба нийт 160 гаруй иргэдийг түр болон байнгын ажлын байраар ханган ажиллаж байгаа аж.

Тус компанийн нэгж үйлдвэр болох “Координат Чойсе” ХХК нь уул уурхай, барилгын салбарын овор ихтэй тоног төхөөрөмжүүдийг дотооддоо үйлдвэрлэж, угсрах чиглэлээр үйл ажиллагаагаа явуулдаг бөгөөд нийт 20 хүнийг ажлын байраар ханган ажиллаж байгаа юм.

Мөн “Экоминерал трейд” ХХК нь хог хаягдал дахин боловсруулж барилгын материал үйлдвэрлэх чиглэлээр үйл ажиллагаагаа явуулж байгаа бөгөөд жилд 2500-3000 тн бүтээгдэхүүн үйлдвэрлэж, 17 хүнийг тогтмол ажлын байраар ханган ажиллаж байна.