Парк бол олон талт боловч нэгдмэл үйл ажиллагааны тодорхой хязгаартай цогцолбор юм. Кластер нь харилцан уялдаа хамаарал бүхий аж үйлдвэрийн бөөгнөрөл болно. БҮТП-д кластерын бүтэцтэй Эдийн засгийн чөлөөт бүс байгуулах замаар үндэсний ашигт малтмал, түүхий эдийн нөөцөд түшиглэсэн өндөр технологи бүхий хүн, байгальд ээлтэй Монгол Улсын нийгэм эдийн засгийн хөгжилд нэн тэргүүний хэрэгцээтэй олон улсын стандарт хангасан бараа бүтээгдэхүүн, үйлчилгээг чанартай бөгөөд хямд өртгөөр бий болгосноор дотоод зах зээлийг хангах, тэдгээрийн өндөр үнэтэй импортыг зогсоох, валютын гадаад урсгалыг багасгах, улмаар экспортлох замаар  валютын шинэ эх үүсвэр бий болгох, ажлын байрууд нэмэгдүүлэх, нийслэлийн хэт төвлөрлийг сааруулах юм. Энэ бүхэнд  БҮТП-ийн эдийн засгийн ач холбогдол оршино.