Үйлдвэрлэл, технологийн паркийн эрх зүйн байдлын тухай хуулийн 3.1.3-д зааснаар паркийн нутаг дэвсгэрт үйл ажиллагаа эрхлэх аж ахуйн нэгж, эрдэм шинжилгээний байгууллагыг “паркийн нэгж” гэнэ.

УИХ-ын 2003 оны 12 дугаар сарын 11-ний өдрийн Үйлдвэрлэл, технологийн парк байгуулж, хөгжүүлэх үндсэн чиглэл батлах тухай 54 дүгээр тогтоолын хавсралтын 2.2-т зааснаар Паркт үйлдвэрлэл, технологийн хэд хэдэн нэгж байрлаж болно.

Үйлдвэрлэл, технологийн нэгж гэдэгт бие даасан үйлдвэр, үйлдвэрлэл, технологийн инкубатор, эрдэм шинжилгээний байгууллага, түүний салбар, туршилтын лаборатори  зэргийг ойлгоно.