Багануур Үйлдвэрлэл, технологийн парк ХК нь Нийслэлийн Хүнс хөдөө аж ахуйн газартай хамтран хүнсний боловсруулах салбарын тэргүүлэх үйлдвэрүүдийн үйл ажиллагаатай танилцах ажлыг үе шаттайгаар зохион байгуулж эхлээд байна. Хамтын ажиллагааны хүрээнд үйлдвэрүүдийн төлөвлөлт зохион байгуулалттай танилцах, хаягдал, дайвар бүтээгдэхүүн, дахин боловсруулах сайн туршлага, борлуулалт, экспорт, зах зээлийн бодлогын туршлага судлах, төр-хувийн хэвшлийн хамтын ажиллагааны жишиг туршлага судлах юм. Уг ажлын хүрээнд 03 сарын 04-ний өдөр Багануур дүүргийн ЗДТГ, Багануур Үйлдвэрлэл, технологийн парк ХК, Багануур дүүргийн Жижиг дунд үйлдвэрийг дэмжих төв болон нэгж компаниудын төлөөллүүд “АПУ” ХК, “Витафит милк” ХК, “Талх чихэр” ХК, “Траст трейд” ХХК -иудын үйл ажиллагаатай танилцлаа. Хамтын ажиллагааны үр дүнд паркийн бүсчлэл, нэгж үйлдвэр байршуулах чиглэл тодорхой болох бол технологийн болон дэд бүтцийн судалгааны талаар жишиг мэдээлэлтэй болж хөрөнгө оруулалт татахад ашиглах суурь судалгаа бүрдэж, хамтын ажиллагааны боломжит түншлэлүүд тодорхойлогдоно.