Үйл ажиллагааны үндсэн чиглэл
2024-01-06
- “Багануур Үйлдвэрлэл, Технологийн Парк” ОНӨТҮГ-ын үйл ажиллагааны үндсэн зорилт нь нийгэм эдийн засаг, байгаль орчны зохистой харьцааг хангах бизнесийн таатай орчныг бүрдүүлэх замаар, төлөвлөгдсөн газрыг паркийн бүс болгон хөгжүүлэхэд чиглэсэн төсөл хөтөлбөрүүдийн хэрэгжилтийг зохион байгуулах, нэгдсэн удирдлага, зохион байгуулалтаар хангаж ажиллах
- Хариуцсан ажил үүргийн чиглэлээр паркийн бүсийг хөгжүүлэх, төлөвлөх, орчноо тохижуулах үйл ажиллагаанд хувийн хэвшил, холбоод, аж ахуйн нэгж байгууллагуудын оролцоог ханган, тэдний санал санаачлагыг хөгжлийн төсөл, хөтөлбөрт тусгах, хамтран ажиллах
- Үйлдвэрлэл, технологийн паркийн хөрөнгө оруулалтын хэрэгцээг нарийвчлан тооцсон хөгжлийн үе шатны төлөвлөгөө боловсруулан “Багануур Үйлдвэрлэл, Технологийн Парк” ОНӨТҮГ-ын Удирдах зөвлөлөөр оруулж батлуулах
- Паркийн эзэмшил газрын дэд бүтцийн хөрөнгө оруулалтанд шаардлагатай санхүүжилтийг бий болгох боломжийг судалж санал боловсруулан холбогдох Нийслэлийн захиргааны байгууллагад дэвшүүлэх
- Паркийн дэд бүтцийн техникийн нөхцлүүдийг нарийвчлан судалж, холбогдох бичиг баримт материалууд, зураг схемүүдийг бүрдүүлж, паркийн эрчим хүч, дулаан, ус хангамж зэргийн хэрэглээний нийт тооцоог гарган, хот байгуулалт, инженерийн байгууламжийн төлөвлөгөөтэй уялдуулан инженерийн тооцоо зураглал боловсруулах ажлыг зохион байгуулах
- Паркад нэгжээр элсэх аж ахуйн нэгж байгууллагуудыг Нэгж сонгон шалгаруулах журмын дагуу тухайн шатны Засаг даргатай зөвшилцөн шийдвэрлэх
- Хүний эрүүл мэнд, байгаль орчинд халгүй дэвшилтэт техник, технологи нэвтрүүлэн импортыг орлох, экспортын баримжаатай үйлдвэрлэлийг хөгжүүлэх чиглэлийг баримтлах
- Үйлдвэрлэл, технологийн паркийг хөгжүүлэх талаар гаргасан хууль, тогтоомж, шийдвэр, төлөвлөсөн бодлого, авч буй арга хэмжээ, хэрэгжүүлэх төсөл, түүний дүнгийн талаар олон нийтэд сурталчлах
- Гадаад дотоодын холбогдох байгууллагуудтай зохих журмын дагуу харилцаа холбоо тогтоож ажиллах
