2019.11.20-ны өдөр "Үйлдвэрлэл технологийн паркуудын өнөөгийн байдал, тулгамдсан асуудал ба гарц шийдэл" сэдэвт хэлэлцүүлэг зохион байгуулагдлаа.

Хэлэлцүүлэгт Нийслэлийн Засаг даргын орлогч, Инноваци технологийн хөгжил хариуцсан төслүүдийн удирдагч М. Халиунбат, Шинжлэх ухаан үйлдвэрлэл, инновацийн газар, Багануур, Эмээлт, Налайх үйлдвэрлэл, технологийн паркуудын удирдлагууд болон мэргэжилтнүүд бүрэн бүрэлдэхүүнээрээ оролцлоо.

Хэлэлцүүлгийг хамтын ажиллагаа, дэмжлэг, шийдэл гэсэн үндсэн сэдвээр өрнүүлж дараах асуудлыг Нийслэлийн удирдлагын түвшинд шийдвэрлүүлэхээр тогтлоо. Үүнд:

1. Паркуудын дэд бүтцийн бүтээн байгуулалтын хөрөнгө оруулалт

2. Үйлдвэрлэл, технологийн паркуудын засаглалын хэлбэр, бүтэц, зохион байгуулалт

3. Үйлдвэрлэл, технологийн паркуудын эрх зүйн байдлын тухай хуулийн нэмэлт өөрчлөлт, сайжруулалт

Мөн Нийслэл Улаанбаатар хот үүсэн байгуулагдсаны 380 жил, Үйлдвэрлэл технологийн парк үүсч хөгжсөний 5 жилийн ойг тохиолдуулан Эмээлтийн хөнгөн үйлдвэрлэл,технологийн паркаас зохион байгуулсан спортын 3 төрөлт тэмцээний "Гар болон сагсан бөмбөг"-ийн төрөлд амжилттай оролцож Манай паркийн хамт олон "Тэргүүн байр" эзлэн өргөмжлөл мөнгөн шагналаар шагнуулав.