“MINING WEEK-БҮСЧИЛСЭН ХӨГЖИЛ” чуулга уулзалт болж өндөрлөлөө
2025-09-15
Монголын аж үйлдвэр, эрдэс баялгийн салбарыг гадаадын хөрөнгө оруулагчдад сурталчлах, хөрөнгө оруулалтыг нэмэгдүүлэх, оролцогч талуудын хамтын ажиллагааг өргөжүүлэх зорилгоор “Уул уурхайн долоо хоног” /Mongolian Mining Week 2025/ арга хэмжээг 2025 оны 09 дүгээр сарын 11-13-ны өдрүүдэд Улаанбаатар хотын Налайх дүүрэг, Тайж хайрханы бэлд дөрөв дахь жилдээ зохион байгуулагдлаа. Энэ жилийн хувьд Бүсчилсэн хөгжлийн үндэсний хүрээлэн хамтран зохион байгуулагчаар оролцож “Mining week-Бүсчилсэн хөгжил” арга хэмжээг “Regional Conference Hall”-д зохион байгуулж буйгаар онцлог болж байна. Арга хэмжээний хүрээнд:
- “Бүсчилсэн хөгжил-Уул уурхай-Орон нутгийн хөгжил” хуралдаан
- Багануур, Багахангай, Налайх дүүргийн хөгжлийн чуулган
- “Нүүдэлчин аялал жуулчлалын тусгай бүс” төслийн танилцуулга
- “Бүсчилсэн хөгжил-Уул уурхай-Орон нутгийн хөгжил” нэгдсэн үзэсгэлэн арга хэмжээ тус тус болж байна.
Салбар хуралдаанд оролцогчдод Монгол Улсын шадар сайд С.Амарсайхан Бүсчилсэн хөгжлийн үзэл баримтлалыг танилцууллаа.
Дээрх салбар хуралдаанд бүс тус бүрээс 1 хоршоо оролцож, орон нутгийн удирдлагууд, эрдэмтэд, бүс нутгийнхаа хэмжээнд ажиллаж буй уул уурхайн компанийн төлөөлөлтэй нээлттэй ярилцах юм. Одоо Хойд бүсийн салбар хуралдаан болж өнгөрлөө.
